MUNTAKHIB GHAZLAIN

Doeray jadeed kay Sukhanwar

Parween Shakir

Gaye maosamon main jo khiltay thay gulabon ki tarah
Dill main utrain gay wohi khwab azabon ki tarah

Raakh kay dhaer paay ab raat basar karni hai
Jal chukay hain miray khamay miray khwabon ki tarah

Saait-e-deed kay aariz hain gulabi ab tak
Awaleen lamhon kay gulnar hajabon ki tarah

Woh samander hai to phir rooh ko shadab karay
Tashnagi kyon mujhay data hai sarabon ki tarah

Ghaer mumkin hai taray ghar kay gulabon ka shumar
Maray ristay hooay zakhmon kay hisabon ki tarah

Yad to hongi woh batain tujhay abb bhi lakin
Shelf main rakhi hooai band kitabon ki tarah

Kaon janay kah naye sall to kis kis ko parhay
Tera maiyar badalta hai nisabon ki tarah

Shokh ho jati hai ab bhi tari ankhon ki chamak
Gahay gahay taray dilchasp jawabon ki tarah

Hijr ki shab mari tanhai pay dastak daygi
Tari khushboo maray khoay hooay khawabon ki tarah

****************************************

Ahmad Faraz

Ab loag jo dakhain gay to khwab aour tarah kay
Iss shahr pay utrain gay azaab aour tarah kay

Abb kay to na chahray hain na ankhain hain na lab hain
Iss ahad nay pahnay hain niqaab aour tah kay

Abb koocha-e-qatil say bulawa nahein aata
Qasid hain keh latay hain jawab aour tarah kay

Sao teer trazoo hain rag-e-jan main to phir kiya
Yaron ki nazar main hain hisab aour tarah kay

Iss dard kay maosam nay ajab aag lagai
Jismon main dehaktay hain gulab aour tarah kay

Waaiz say FARAZ apni bani hay na banay gi
Ham aour tarah kay hain janab aour tarah kay

*************************************

Faiz kay firaq main

Ahmad Faraz

Aaye mati kay lall tujhay sab yad karain
Yadkarain bheegi ankhain
Aour dukhtay dilon say yad karain
Har saal
Aaye mati kay lall tujhay sab yad karain

Teri kaweeta mari tari dharti ki sachai
Taray bole hain saray goongay shahron ki goyai
Taray geet hain aman ki nay aour aashti ki shahnai
Angan aour chopal tujhay sab yad karain
Yad karain bheegi ankhon
aour dukhtay dilon say yad karain Har Saal
Aaye mati kay lall

Kawi tujhay dunya apnaay lakin apna shahar
Apna shahr kah had-e-nazar tak jaisay lahoo ki nahar
Ya mansoor-o-masih ki sooli ya sukrat ka zahar
Ham ashufta haal tujhay sab yad karain
Yad karain har saal
Aaye mati kay laal

Hijar ki rut kaay roz rahay gi aour faqat kuch roz
Wasal ki saat aa pohnchay aour faqat kuch roz
Rah ki har deewar giray gi aour faqat kuch roz
Galay main bahain dhaal tujhay sab yad karain
Aaye mati kay laal
Tujhay sab yad karain
Tujhay sab yad karain

******************************************

Ahmad Faraz

Ajab shahr thay aour ajab log thay
Sitam soortain thein ghazab log thay

Faqeer iss gali kay gadagar banay
Sarapa talab batalab log thay

Woh kafir akayla khicha daar par
Namaz-e-janaza main sab log thay

Inhein raston par kulahain girein
Inhein rahguzaron main jab log thay

Na maqtal na maila tamasha koi
Magar jabaja baa sabab log thay

Sabhi sar basajda thay darbar main
Ham aisay kahan baa adab log thay

FARAZ apni barbadiyon ka sabab
Na ab log hain aour na jab log thay

*************************************

INTEKHAB-E-GHAZAL

HAM SAY MILIYE

For Your Comments Please Write

Steve Almas

Nedstat Counter